പ്രവേശനോത്സവം 2019
എ.എൽ.പി.സ്കൂൾ കൊറ്റനെല്ലൂർ (പട്ടേപ്പാടം) പ്രവേശനോത്സവം സംഘടിപ്പിച്ചു. വേളൂക്കര ഗ്രാമപഞ്ചായത്ത് ആരോഗ്യ വിദ്യാഭ്യാസ സ്റ്റാന്റിങ്ങ് കമ്മിറ്റി ചെയർപേഴ്സൺ ആമിന അബ്ദുൽ ഖാദർ ഉദ്ഘാടനം ചെയ്തു. പഠനോപകരണ കിറ്റ് പട്ടേപ്പാടം റൂറൽ കോ പറേറ്റീവ് ബാങ്ക് പ്രസിഡൻറ് ആർ.കെ.ജയരാജ് വിതരണം നിർവ്വഹിച്ചു. പരിസ്ഥിതി ദിനത്തോടനുബന്ധിച്ചുള്ള വൃക്ഷത്തൈ വിതരണം ബ്ലോക്ക് മെമ്പർ ഗീത മനോജ് നിർവ്വഹിച്ചു. മുൻ ഹെഡ്മാസ്റ്റർ രാജൻ സാർ കുട്ടികൾക്കും രക്ഷിതാക്കൾക്കും സന്ദേശം നൽകി. മുഖ്യമന്ത്രി പിണറായി വിജയൻ വിദ്യാഭ്യാസ മന്ത്രി സി.രവീന്ദ്രനാഥ് എന്നിവരുടെ പ്രവേശനോത്സവ സന്ദേശം വായിച്ചു. പാഠപുസ്തക വിതരണം ഹെഡ്മിസ്ട്രസ് നിർവ്വഹിച്ചു. പി.ടി.എ പ്രസിഡന്റ് ടി.എ.വഹാബ് അദ്ധ്യക്ഷത വഹിച്ച യോഗത്തിൽ ഹെഡ്മിസ്ട്രസ് കെ.എസ്.ലാലി സ്വാഗതവും അബ്ദുറഹ്മാൻ മാസ്റ്റർ നന്ദിയും പറഞ്ഞു